Rydym wedi bod yn monitro’r sefyllfa bresennol gyda Covid-19 ac wedi penderfynu aildrefnu’r ŵyl i 30 Ebrill – 3 Mai 2021. Dysgu Mwy
Gŵyl Biano
Ryngwladol Cymru
30 Ebrill – 3 Mai 2021
Am yr Ŵyl
Wedi ei threfnu gan Canolfan Gerdd William Mathias ac o dan gyfarwyddyd artistig y pianydd rhyngwladol Iwan Llewelyn-Jones, bydd Gŵyl Biano Ryngwladol Cymru 2021 yn cynnwys tair prif elfen – perfformiadau, cystadlaethau a gweithgareddau addysgol.
Bydd yr ŵyl yn talu teyrnged i Ludwig van Beethoven a’i gyfraniad aruthrol i fyd y piano yn y flwyddyn sy’n nodi 250 mlynedd ers ei eni. Bydd themâu eraill yr ŵyl yn cynnwys cerddoriaeth yr 1920au a hyrwyddo cerddoriaeth newydd o Gymru.
Edrychwn ymlaen at groesawu Noddwr Anrhydeddus yr Ŵyl a dehonglwr nodedig cerddoriaeth Beethoven, John Lill CBE i roi datganiad agoriadol yr Ŵyl.
Noddwr Anrhydeddus: John Lill CBE
Llywydd Anrhydeddus: John Metcalf MBE
Ein Cystadlaethau
Cystadleuaeth Piano Unawdol Iau
Agored i bianyddion a aned ar neu ar ôl 1 Medi 2001
Cystadleuaeth Piano Unawdol Hŷn
Agored i bianyddion a aned ar neu ar ôl y 1af o Fedi 1993
Cystadleuaeth Cyfeilio ar y Piano
Dim cyfyngiad oedran
Datganiad Piano John Lill
Braint o’r mwyaf yw cael croesawu’r pianydd caboledig John Lill, i roi’r datganiad agoriadol yng Ngŵyl Biano Ryngwladol Cymru. Eleni bydd yr Ŵyl yn talu teyrnged i un o gyfansoddwyr mwyaf syfrdanol y byd clasurol, Ludwig van Beethoven, wrth i ni ddathlu 250 mlynedd er ei enedigaeth. Dyma gyfle unigryw i fwynhau rhaglen o gampweithiau Beethoven wedi’u perfformio gan un o’i ddehonglwyr mwyaf blaenllaw.
Rhaglen, Ludwig van Beethoven:
Sonata in C minor, Op 13 ‘Pathétique’
Sonata in C, Op 53 ‘Waldstein’
Sonata in C sharp minor, Op 27/2 ‘Moonlight’
Sonata in F minor, Op 57 ‘Appassionata’
Cyngerdd Siambr
Yn yr ail gyngerdd, trown at gerddoriaeth siambr gyda rhaglen sy’n cynnwys un o gampweithiau siambr Beethoven, y Triawd ‘Archduke’ ynghyd â’i Drefniannau o Ganeuon Gwerin Cymraeg ar gyfer llais a thriawd piano. Mae’r gyngerdd hefyd yn cynnwys Comisiwn yr Ŵyl a’r perfformiad cyntaf o bedwar gwaith siambr wedi’u seilio ar ddeunydd cynhenid gwerin Cymreig gan Pwyll ap Sion, Joseph Davies, Sarah Lianne Lewis a Bethan Morgan-Williams.
Rhaglen:
Beethoven: Arrangements of Welsh Folk Songs for voice and piano trio, WoO 155
Beethoven: Two Lieder for tenor and piano
Festival Commission: Four chamber pieces by Pwyll ap Sion, Joseph Davies, Sarah Lianne Lewis and Bethan Morgan-Williams for soprano and piano trio
Beethoven: Piano Trio in B flat Op. 97 (Archduke)
Cyngerdd Fiesta
Noson o gerddoriaeth sy’n dathlu un o ddegawdau mwyaf lliwgar yr ugeinfed ganrif. Yn y rhan gyntaf ceir llond trol o hwyl gyda cherddoriaeth piano aml-law ac ambell i stori ddigri gan rhai o gymeriadau mwyaf arloesol y cyfnod: Erik Satie, Percy Grainger, William Walton a Camille Saint-Saëns.
Yn yr ail hanner rydym yn hynod falch i gael croesawu enillydd Cerddor Ifanc y BBC 2018 ac un o gyn-enillwyr Gŵyl Biano Ryngwladol Cymru 2016, y pianydd disglair Lauren Zhang, yn ôl i berfformio rhaglen afaelgar a chyffrous.
Noddi Nodyn!
Os hoffech chi wneud cyfraniad ariannol tuag at Gŵyl Biano Ryngwladol Cymru 2021, pam na wnewch chi Noddi Nodyn!
Fe allwch chi ddewis unrhyw nodyn ar y piano – efo cyfanswm o 88 mae digon ohonynt! Ai C♯ neu B♭ fyddwch chi!?
Y Newyddion Diweddaraf
COVID-19: Newid i ddyddiadau’r Ŵyl
Diweddarwyd ar 27 Mehefin 2020. Rydym wedi bod yn monitro sefyllfa Covid-19 ac wedi penderfynu na fyddai'n ymarferol i ni fwrw ymlaen â Gŵyl Biano Ryngwladol Cymru yn 2020 oherwydd parhad cyfyngiadau a'r ansicrwydd sy'n ymwneud â theithio, cwarantîn ac ymbellhau...
Diwrnod Piano
Cawsom Ddiwrnod Piano penigamp ym Mhrifysgol Bangor ganol mis Tachwedd gyda dros 100 o berfformiadau. Daeth y pianyddion blaenllaw Emyr Roberts, Evgenia Startseva a Gareth Owen i wrando a rhoi adborth i’r perfformwyr. Cawsom sesiwn Holi ac Ateb diddorol a goleuedig...
Cyngerdd Tiwtoriaid Canolfan Gerdd William Mathias
Ar ddechrau Tachwedd, ymunodd wyth o diwtoriaid piano Canolfan Gerdd William Mathias â’r pianydd cyngerdd rhyngwladol Iwan Llewelyn-Jones, Cyfarwyddwr Artistig Gŵyl Biano Ryngwladol Cymru, ar gyfer cyngerdd arbennig i godi arian tuag at noddi gwobr gystadleuaeth yn yr...
Cadw Mewn Cyswllt
Ein Noddwyr
Mae Canolfan Gerdd William Mathias yn darparu cyfleoedd gwerthfawr i fyfyrwyr cerddoriaeth yn ei chanolfannau yng Nghaernarfon, Dinbych a Rhuthun a drwy ei phrosiectau cymunedol drwy Gymru.
