Canlyniadau Cystadlaethau 2016

Wedi cyhoeddi ar 5 Mai 2016

Yn dilyn pedwar niwrnod o gystadlaethau, cyngherddau a dosbarthiadau daeth Gŵyl Biano Ryngwladol Cymru i ben ar nodyn uchel Nos Lun (2il o Fai), gyda phianydd o Wlad Belg, Yulia Vershinina yn cyrraedd y brig yn y Gystadleuaeth Piano Unawdol Hŷn. Mae Yulia yn astudio yng Ngholeg Cerdd Brenhinol y Gogledd ym Manceinion ac enillodd y brif wobr o £2,000 yn rhoddedig gan Gwmni Roberts of Port Dinorwic.

Domonkos Csabay o Hwngari enillodd y wobr gyntaf o £1,250 yn rhoddedig gan y Sickle Foundation yn y gystadleuaeth i Gyfeilyddion piano. Mae Domonkos yn astudio yn y Conservatoire yn Birmingham.

Aeth y wobr gyntaf yn y Gystadleuaeth Piano Unawdol Iau i Callum McLachlan, 17, o Stockport. Derbyniodd Callum, sy’n ddisgybl yn Ysgol Gerdd Chetham’s, wobr o £700 wedi ei chefnogi gan diwtoriaid piano Canolfan Gerdd William Mathias.

Trefnwyd yr Ŵyl, a gynhaliwyd yn Galeri o’r 29 Ebrill – 2 Mai, gan Ganolfan Gerdd William Mathias. Cyfarwyddwr yr Ŵyl oedd y pianydd Iwan Llewelyn-Jones.

Llongyfarchiadau mawr i’r pianyddion ar eu llwyddiant!

Cystadleuaeth Piano Unawdol Hŷn

1af Yulia Vershinina (Gwlad Belg)

Y 3 phianydd arall a gyrhaeddodd y Cylch Terfynol oedd:
William Bracken (Lloegr)
Adam Davies (Lloegr)
Domonkos Csabay (Hwngari)

Cystadleuaeth Piano Unawdol Iau

1af Callum McLachlan (Lloegr)
2il Lauren Zhang (America)
3ydd William Bracken (Lloegr)

Y ddau bianydd arall a gyrhaeddodd y Cylch Terfynol oedd:
Tomos Boyles(Cymru)
Ellis Thomas (Cymru)

Cystadleuaeth Cyfeilio ar y Piano

1af Domonkos Csabay (Hwngari)
2il Ana Monteiro (Portiwgal)
3ydd Hsuan -Yu (Dewi) Liu (Taiwan)

Erthyglau Arall

Cofrestru ar gyfer cystadlaethau Gŵyl 2025 nawr ar agor!

Cofrestru ar gyfer cystadlaethau Gŵyl 2025 nawr ar agor!

Rydym yn falch o gyhoeddi bod cofrestru ar gyfer Cystadlaethau Gŵyl Biano Ryngwladol Cymru 2025 nawr ar agor! Yn digwydd yn Galeri Caernarfon ym mis Hydref eleni, mae'r cystadlaethau'n rhan bwysig o'r ŵyl ac yn cynnig llwyfan cyffrous i bianyddion arddangos eu talent....

Penddelw Beethoven mwyaf y byd yn syfrdanu

Penddelw Beethoven mwyaf y byd yn syfrdanu

Mae penddelw enfawr o Beethoven yn syfrdanu ymwelwyr â chanolfan gelfyddydau - ac yn anelu i dorri record. Credir mai’r cerflun pȃpier-maché a phren enfawr yn Galeri yng Nghaernarfon yw’r cerflun mwyaf yn y byd o ben y cyfansoddwr nodedig. Gwnaed y model enfawr, sy’n...